Vel heppnað Sólarkaffi 2026!

Sólarkaffi Ísfirðingafélagsins 2026 var haldið laugardaginn 31. janúar í Gamla Bíó. Hinar ómissandi pönnukökur voru auðvitað á boðstólum og dagskráin var ekki af verri endanum.
Veislustjóri kvöldsins var Bolli Már Bjarnason.
Ræðumaður kvöldsin var Gunnar Tryggvason. Gunnar er Krókspúki og fór hreinlega á kostum í ræðu sinni með sögum að vestan.
Hjörleif Valsson, fiðlusnilling þarf vart að kynna fyrir Ísfirðingum, en hann kom og sýndi og sannaði af hverju hann er kallaður fiðlusnillingur.
Fjöllistahópurinn „Sólarkossar“ sem samanstendur af hópi ungs fólks sem á ættir að rekja til Ísafjarðar, Núps, og Ketilseyrar, sungu snilldarlega nokkur falleg dægurlög með sólartengingu.
Það var svo hin stórskemmtilega og frábæra hljómsveit „The Bookstore Band“ sem rak endahnútinn á gott Sólarkaffi og hélt uppi stuðinu fram á nótt.
Signý Björk Rósantsdóttir hlaut heiðursverðlaun stjórnar Ísfirðingafélagsins fyrir einstaka tryggð við Sólarkaffið í gegnum árin. Það var Dýrfinna Torfadóttir sem hannaði og gaf verðlaunagripinn. Bestu þakkir til þeirra beggja fyrir tryggð og velvild vð Sólarkaffið og Ísfirðingafélagið.
Við færum öllum þeim sem komu að Sólarkaffinu á einn eða annan hátt bestu þakkir. Sérstaklega þó auðvitað þeim frábæru gestum sem mættu og skemmtu sér með okkur.
Stjórn Ísfirðingafélagsins.

Stjórn Ísfirðingafélagsins þakkar eftirtöldum, sem lögðu til vinninga í glæsilegt happdrætti á Sólarkaffi félagsins

26. janúar 2018, kærlega fyrir velvild í garð félagsins

Tjöruhúsið í Neðstakaupstað , Kaffihúsið, Húsið á Ísafirði , Messinn Granda, Vesturferðir, Hjálp, barnið mitt er grænmetisæta eftir Jón Yngva Jóhannsson bókmenntafræðing., Gamla bakaríið Ísafirði, Knattspyrnusaga Ísafjarðar, skráð af Sigurði Péturssyni
Samsung – Ormsson ehf, Wurth á Íslandi, Íslandsbankinn á Ísafirði, Dýrfinna Torfadóttir gullsmiður, Sara Vilbergsdóttir listamaður
Grand Hótel Reykjavík, Hótel Ísafjörður, Sóltún gisting Ísafirði, Air Iceland Connect

Sólarkaffi 2017

Myndirnar eru komnar á vefinn – Smellið hér

Ísfirðingafélagið / Breiðuvík 16, 112 Reykjavík / Kennitala: 5301891129